Já við erum alveg arfa slakir bloggarar og það mun ekki breytast neitt á næstunni.
Síðasti skóladagurinn var í dag sem þýðir auðvita bara eitt, prófin eru rétt handan við hornið. Þetta verður rosaleg törn enda ekkert smá mikið lesefni, allavega meira en á síðustu önn. Já við verðum heldur betur að bretta uppá ermarnar og sökkva okkur ofaní bækurnar. Nóg um skólann!!!!!!

Ég er búin að taka þessa leiðinlegu skoðanakönnun út og ætla mér ekki að birta útkomuna en get sagt ykkur að þetta er mynd af Janis Joplin og ástæðan fyrir því að myndin kom ekki öll er sú að ég kann ekkert á þetta drasl og nenni ekki að reyna að læra hvernig á að setja mynd þarna þannig að hún passi. Hverjum datt eiginlega í hug að vera hafa allt þetta svona flókið, þetta er alls ekki ég og mín vöntun á tæknikunnáttu. Ég mun allavega aldrei viðurkenna það.......... Til hvers þarf maður eiginlega að kunna á meira en wordið og netið????? Já ég bara spyr????

Jæja ég held að ég sé búin að láta gammin geysa nóg í bili og kveð að sinni og vil óska öllum þeim sem eru á leiðinni í prófalestur góðsgengis og votta ykkur alla mína samúð.. ég vorkenni allavega mér sjálfri.......
Bless bless

Halló halló... það var svaka stuð í vísindaferðinni, mikið drukkið og talað. Ég var samt án efa sú slakasta af okkur þrem og var farin heim um svona 2:30, Sús og Kleó djömmuðu fram eftir öllu og voru að skríða heim til sín í morgun....
Ég er búin að setja inn myndir, tók miklu fleiri en vegna ritskoðunar þá ákvað ég að vera ekkert að setja allar inn.... endilega skoðið þær..
Nenni ekki að segja mikið meira núna.... kem með skemmtilegri færslu seinna....
Bless í bili..

Við Þema systur ætlum í okkar fyrstu vísindaferð, frá því skólinn byrjaði, í dag. Hversu slappt er það??? Búnar að vera tvær annir í skólanum án þess að láta sjá okkur í þessum alræmdu ferðum sem snúast útá það að drekka bjór í þágu vísindanna... Það verða alveg drukknir nokkrir bjórar í þessari ferð, við þurfum nefnilega að bæta upp fyrur öll þau skipti sem við fórum ekki. Já við verðum örugglega ansi skrautlegar í kvöld, það má líka benda á það að þetta er síðasta djammið fyrir prófin sem byrja í byrjun apríl, þannig að það verður svaka stuð í kvöld....

Það er ekki nema ein vika eftir af skólanum sem þýðir það að prófin eru bara handan við hornið.. Þetta er eiginlega búið að liða of hratt, maður er varla byrjaðu og þá er skólinn bara senn á enda. Það verður sko aldeilis tekið sá á og lært dag sem nótt... við stefnum auðvita á það að dúxa þessa önnina (yeah, sé það gerast).....
Jæja ég neni ekki að segja meira í bili, en mun henda inn myndunum sem ég mun koma til með að taka sem fyrst....
Bless í bili kæru félagar

Já það er aldeilis hvað maður er búinn að vera óduglegur við að sinna þessari blessuðu síðu en vonandi að það fari að breytast.
Það er nú ekki margt sem hefur gerst núna undanfarna daga, eintóm verkefna vinna og leiðindi. Ég ætla ekki að segja ykkur frá því vegna þess að ég er hrædd um að flestir myndu deyja úr leiðindum.
Ástæðan fyrir því að ég er að gera færslu er sú að ég var að setja inn nýjar myndir úr afmælinu mínu, þetta eru svona misskemmtilegar myndir en ég hafði ekki úr miklu að velja því myndavélin gleymdist heima. Endilega tékkið á þeim ef þið viljið sjá skvísur, ef þið sjáið einhverja sem ykkur lýst á þá getið þið náð í mig í síma 908-pimp...+
Bless í bili

Jæja, góðir hálsar, þá er maður kominn á klakann aftur. Eða réttara væri að segja, ja eitthvað annað en klakann um þetta blessaða land, því hérna er hitabeltisloftslag miðað við Danmörku. Þarna snjóaði og snjóaði alla daga, og það var þvílíkt kalt, svo maður þurfti að treysta á síðu ullarbrækurnar í þessu ferðalagi. Annars stóð Köben fyrir sínu og við vorum duglegir túristar, löbbuðum endalaust mikið, Strikið fram og tilbaka oft á dag, og fórum í dýragarðinn og varð ég fyrir ógeðslegri upplifun hjá ónefndum apa… veit ekki hvort ég eigi að vera að skrifa um það hérna… en það tengist allavega skít og svolitlu sem maður á ekki að gera við sinn eiginn skit eða bara skít yfir höfuð… Svo var drukkinn mikinn bjór og reynt að versla mikið, en þar olli Köben mér vonbrigðum í þetta skiptið. Ég verslaði ekki mikið, var líka stundum ekki að nenna því. Því þegar maður kom inn í búðirnar í þykkri úlpu og síðum nærbuxum og með húfu og vetllinga og allan pakkann þá varð manni alltof heitt og það var svo mikið vesen að reyna að máta eitthvað, því það tók svona tuttugu mínútur að klæða sig úr og í aftur… En annars þá bara mjög vel heppnuð ferð… En að öðrum málum, ónefndar stelpur eru eitthvað að leyna mann einhverju slúðri sem á að hafa gerst á meðan ég var í burtu… ég veit ekki hvað er til í því, en ég fæ botn í þetta mál von bráðar og mun þá deila því með ykkur lesendur góðir… og það er eins gott að þetta sé eitthvað krassandi slúður… En ég ætla að fara að læra smá, það er svo skemmtilegt verkefni sem bíður manns… bless í bili, kveðja Súsanna

Hér með auglýsi ég eftir henni Súsönnu, stelpan hefur ekki sést frá því á þriðjudaginn í síðustu viku og enginn hefur heyrt í henni svo dögum skiptir. Ef einhver getur upplýst okkur um ferðir hennar þá endilega látið okkur vita í síma 900-lost. Hennar er sárt saknað!!!!

Langar bara að henda hér inn afmæliskveðju þar sem elsti meðlimur Þema er 22 ára í dag! Til hamingju elsku Ella mín, hafðu það sem allra best í dag og sjáumst svo bara í fjöri í kvöld!